ფიზიკური დაპირისპირება სენაკის მერიის აიპ-ების გაერთიანების ცენტრში, სადაც დირექტორის მოადგილე და სპეციალისტი ერთმანეთს ფიზიკურად დაუპირისპირდნენ.
მზია გადელიას განცხადებით, მას დათო ჭითავა ოთახში შეუვარდა ფიზიკური შეურაცხყოფა მიაყენა.
“ვიჯექი ჩემს სამუშაო ოთახში, გაიღო კარი და შემოვიდა დირექტორის მოადგილე დათო ჭითავა, რომელიც არის ხუთჯერ ნასამართლევი. დამავლო ხელი და მითხრა, მექაჩებოდა წამოდი ჩემთან ოთახში შენთან გასასწორებელი მაქვს რაღაცაო, მე ანგარიშს გაგისწორებო. ამასობაში მე მაგას არ დავნებდი, წავართვი ჩემი ხელი ამასობაში მან აიღო საქაღალდე და სახეში ჩამარტყა. ხან ფულს მთავაზობენ, ხან ჩამწერს მიდგამენ, ხან აჩრდილივით ამეკიდებიან, მდევნიან ქუჩაში, მაგრამ ვერაფერს ვერ მიაღწიეს,”-განაცხადა საზოგადოებრივი მომსახურების ცენტრის თანამშრომელმა, მზია გადელიამ.