ევროპული საბჭოს პრეზიდენტ შარლ მიშელის განცხადებით, ბელარუსში უკიდურესად შემაშფოთებელი ვითარებაა. ამის შესახებ შარლ მიშელმა საგანგებო ვიდეოკონფერენციის დასრულების შემდეგ განაცხადა.
„ბელარუსში არის უკიდურესად შემაშფოთებელი ვითარება. ჩვენ გვაქვს ცხადი გზავნილი, ევროკავშირი სოლიდარობას უცხადებს ბელარუსის მოსახლეობას. 9 აგვისტოს ჩატარებული არჩევნები არ იყო არც თავისუფალი და არც სამართლიანი და ის არ აკმაყოფილებდა საერთაშორისო სტანდარტებს.
ბელარუსის ხელისუფლების მიერ გამოცხადებულ არჩევნების შედეგებს არ ვაღიარებთ. ბელარუსის მოსახლეობა იმსახურებს უკეთესს, ისინი იმსახურებენ დემოკრატიულ უფლებას, აირჩიონ ლიდერები და განსაზღვრონ მომავალი“, – განაცხადა შარლ მიშელმა.
Loading…