გაერთიანებული ოპოზიციის “ძალა ერთობაშიას” პრეზიდენტობის კანდიდატი გრიგოლ ვაშაძე ხურვალეთში ოკუპანტების მიერ გატაცებული მაია ოთინაშვილის ოჯახში მივიდა და არსებულ მდგომარეობაზე გაესაუბრა, ოჯახის წევრები კი გრიგოლ ვაშაძესთან საუბრობენ:
“ჩვენი მიზანია, რომ ბავშვებს დედა დაუბრუნდეთ. მხოლოდ მაშინ ვიქნებით წყნარად და მშვიდად, რომ ბავშვებთან დედა დაბრუნდება. კი ვნახეთ ვიდეორგოლო, რომ თითქოს, ის არის უვნებელი, არ არის ნაცემი, მაგრამ ეს ბავშვებისთვის არ არის საკმარისი. მთავარია, რომ დედა დაუბრუნდეთ დროულად,“- აცხადებენ მაია ოთინაშვილის ოჯახის წევრები.