საქართველოს ეკონომიკის მინისტრმა, გიორგი ქობულიამ შვებულება აიღო და მოსკოვს გაემგზავრა. უცნობია მინისტრის ვიზიტის დეტალები, თუმცა სამინისტროში აცხადებენ, რომ მოსკოვში ის მისი იქაური სამსახურის გადასაბარებლად ჩავიდა. მან უნდა ოჯახის გადმოყვანა უზრუნველყოს და ამისთვის მოუწია მოსკოვში გამგზავრება. დილიდან სამინისტროში აცხადებდნენ, რომ მინისტრი ქობულია სამსახურშია და ის თათბირს მართავს. ოპოზიცია აცხადებს, რომ მათთვის უცნობია მინისტრის ფარული ვიზიტი და მსგავსი უპასუხისმგებლობები სახიფათოა ქვეყნისთვის.
უცნობია მინისტრის არაოფიციალური ვიზიტის ხანგრძლივობა.