13 ივლისიდან ფინეთი საქართველოსა და კიდევ 10 ქვეყნის მოქალაქეებს ნაწილობრივ გაუხსნის საზღვარს. ინფორმაცია ამის შესახებ ფინეთის საგარეოს საქმეთა სამინისტრომ გამოაქვეყნა. „13 ივლისიდან ბიზნესისა და სხვა მნიშვნელოვანი მიზნით ვიზიტების განხორციელებას შეძლებენ ალჟირის, ავსტრალიის, ახალი ზელანდიის, იაპონიის, რუანდის, სამხრეთ კორეის, საქართველოს, ტაილანდის, ტუნისის, ურუგვაისა და ჩინეთის მოქალაქეები. ამასთან ერთად, კვლავ მოვუწოდებთ ფინეთის მოქალაქეებს, გადაუდებელი აუცილებლობის გარეშე ამ ქვეყნებში არ იმგზავრონ“, – აღნიშნულია განცხადებაში.
Loading…