განცხადებებიპროტესტი

ჰელსინკის კომისია — უცხო ქვეყნის აგენტების შესახებ კანონი არის თავდასხმა ქვეყნის შესუსტებულ დემოკრატიაზე, თვითნებური საჩუქარი რუსეთისთვის

უცხო ქვეყნის აგენტების შესახებ კანონი არის თავდასხმა ქვეყნის შესუსტებულ დემოკრატიაზე, თვითნებური საჩუქარი რუსეთისთვის და პირდაპირი გამოწვევა საქართველოს მოქალაქეთა თანმიმდევრული ევრო-ატლანტიკური არჩევანისთვის, ის არც ერთ ასპექტში არ ჰგავს fara-ს, – ამის შესახებ ჰელსინკის კომისია „ტვიტერზე“ წერს. კომისიის მიერ გამოქვეყნებული განცხადების ავტორები არიან ჰელსინკის კომისიის თავმჯდომარე ჯო ვილსონი, თანათავმჯდომარე ბენ კარდინი და წამყვანი კანონმდებლები, კონგრესმენი სტივ კოენი და სენატორი როჯერ უიკერი.

„დამოუკიდებლობის აღდგენის შემდეგ ქართველი ხალხი ძალიან ნათლად და თანმიმდევრულად ირჩევდა იმას, რომ ყოფილიყო დემოკრატიული, ევრო-ატლანტიკური საზოგადოების წევრი. თუმცა ანტი-დემოკრატიული, რუსული სტილის კანონი უცხო ქვეყნის აგენტების შესახებ, თუ ის ამოქმედდა, იქნება უარყოფა ქართველი ხალხის ევროკავშირსა და ნატო-ში წევრობის მისწრაფებებს და ხაზს გაუსვამს ქართული დემოკრატიის სწრაფ უკუსვლას. ეს ასევე აჩვენებს ახლანდელი მთავრობის მზარდ სიახლოვეს რუსეთთან – იმავე ქვეყანასთან, რომელსაც საქართველოს 20% აქვს ოკუპირებული, იტაცებს მის მოქალაქეებს, უგულებელყოფს მის სუვერენიტეტს და გენოციდურ ომს აწარმოებს უკრაინის წინააღმდეგ.

ეს კანონი, ისევე როგორც მიმდინარე დემოკრატიული უკუსვლა, მათ შორის პოლიტიკური ოპონენტების დაპატიმრება, არის თავდასხმა ჩვენს სტრატეგიულ პარტნიორობასა და ქართველი ხალხის დასავლურ არჩევანზე. 1991 წლიდან ამერიკა ქართველი ხალხის მტკიცე და ურყევი მეგობარია და ეს მთავრობის პოზიციის მიუხედავად, არ შეიცვლება. ჩვენი მეგობრობის სულისკვეთების გათვალისწინებით, მოვუწოდებთ საქართველოს მთავრობას, უარყოს ინიცირებული კანონპროექტი და განაახლოს მისი ერთგულება დემოკრატიის მიმართ“,- აღნიშნულია ერთობლივ განცხადებაში.

Loading…

მსგავსი პოსტები

კახი კალაძე საარჩევნო სისტემებზე განცხადებას ავრცელებს

Joni Kvaracxelia

«ჩემი შიშები აქვთ საპატრიარქოში…ყველაფერს ფაქტებით ვიტყვი»-მეუფე იაკობი

roma sajaia

«ვერ გაგიწევენ სათანადო დახმარებას თქვენი მონა-მსახური კოლაბორაციონისტი და გამყიდველი ქართველები»-დეკანოზი ილია ჭიღლაძე

დატოვე კომენტარი