«წაღვლი-ჩორჩანას ტყეში რუსოსები რომ აგრძელებენ ჩვენი ტერიტორიების ოკუპაციას, დღესაც შეგახსენებთ. დილიდან ოკუპანტების სამხიდიანი საინჟინრო მანქანა შევიდა ახლად ოკუპირებულ ტყეში.
მთავრობის წარმომადგენელები ნეტავ დღესაც არ არიან წაღვლი-ჩორჩანას ტყის ოკუპაციაზე სალაპარაკოდ სათანადო ფორმაში?
ამასობაში ჩაკეტილ ახალგორში ახალი ტრაგედია ვითარდება. დედას, რომელიც ცხოვრობს ახალგორში, გარდაეცვალა შვილი წეროვანში.
საოკუპაციო რეჟიმი არ უშვებს არაოკუპირებული საქართველოსკენ მკვდარი შვილის დასატირებლად. ჩვენ მთავრობას დიდად არ აღელვებს ეს ტრაგედია. ამიტომ, ახალგორის ქართული მოსახლეობა მიმართავს საოკუპაციო რეჟიმს, ჩვენი ხელისუფლების იმედი არ აქვთ ეტყობა..
მაინც ვწერ, რა იცი რა ხდება, იქნებ გაიღვიძოს ამ მთავრობაში რამე ადამიანურმა..»
დავით ქაცარავა, ანტისაოკუპაციო მოძრაობა «ძალა ერთობაშია»