ახალსოფელში ადგილობრივები 21 ჰა მიწის ფართობის საკრებულო დეპუტატის მიერ მიტაცებას აპროტესტებენ, ადგილობრივები აცხადებენ რომ დეპუტატმა რამოდენიმე ადგილობრივთან ერთად საძოვრების ტერიტორიები მიიტაცა.
როგორც მოსახლეობა აცხადებს, გია სირაძე ღამღამობით ფარულად ამუშავებს მიწას და იქ ვენახის გაშენებას გეგმავს.
ადგილობრივ მოსახლეობას ყვარლის მერმა, როსტომ სესიაშვილმა განუცხადა:
„ამ მოხნულ ადგილს, ბუნებრივია, ამ წელიწადში, ვერც მე და ვერც ვერავინ, ჯადოსნური ჯოხით ვეღარ აქცევს საძოვრად, თუ სხვა გამოყენების საჭიროებად. შესაბამისად, ამ ნაწილში უძლურია ყველა. მე როგორც ვიცი, მოლაპარაკებულები არიან,“ — აღნიშნა ყვარლის მერმა.