საქართველოს მესამე პრეზიდენტი მიხეილ სააკაშვილი ფრანკფურტში მიმდინარე წიგნის ფესტივალი შეაფასა, სადაც ქართველი მწერლებიც სიტყვით გამოვიდნენ:
“ასეთი რაღაც ყოველთვის უნდა გამოიყენო შენი ქვეყნის მდგომარეობის გასატანად. აქ არის პრესა, აქ არის ევროპა. აქ შენი თავი უნდა წარმოადგინო. გუშინ საქართველოს ე.წ. პრემიერი გამოვიდა და ერთი სიტყვა არ უთქვამს საქართველოს ოკუპაციაზე, მერე ვიღაცას უკვირს, მერკელი რატომ არ ამბობსო. მერკელი რა შუაშია, შენთვითონ თუ არ ამბობ, ძალით ხომ არ გეტყვიან?! ერთადერთი ქართველი მწერალი, ხარატიშვილი, რომელიც ძალიან მაგარი მწერალია, ის ლაპარაკობდა ოკუპაციაზე. მაგრამ ის გერმანელია უკვე, გერმანული კულტურის წარმომადგენელი, ჩვენი მთავრობა ამ დროს არ არსებობს. აქ გამოჩნდა არა ბრწყინვალება, არამედ უბედურება საქართველოსი, თუნდაც ამ გახსნის დროს”, – განაცხადა მიხეილ სააკაშვილმა.