ცნობილი ბიზნესმენი, ფადი ასლი საკუთარ ფეისბუქგვერდზე საინტერესო პოსტს აქვეყნებს. ის შეშფოთებულია საქართველოში მიმდინარე მოვლენებით. მისი თქმით, ერთპიროვნული მმართველობა საქართველოს ერთ-ერთი უდიდესი პრობლემაა.
«ჩვენ გვყვავს ადამიანი, რომელიც არის მმართველი პარტიის ხელმძღვანელი, ამავდროულად იგი ქვეყნის დე ფაქტო პრეზიდენტია, დე ფაქტო პრემიერ მინისტრი, დე ფაქტო პარლამენტის თავმჯდომარე, დე ფაქტო პროკურორი და უზენაესი სასამართლოს დე ფაქტო თავმჯდომარე. ამ ადამიანს სურს მთავრობისგან მიისაკუთროს ტურისტული პროექტი, რომელიც ათობით მილიონ დოლარად არის შეფასებული. ამ პრივატიზაციის ფორმას რა სახე ექნება, ამას უკვე აღარ აქვს მნიშვნელობა და როგორც არ უნდა შეფუთოს მთავრობამ ეს ქმედება, იგი კორუმპირებული ტრანზაქციად ითვლება ეთიკის ნებისმიერი საერთაშორისოდ აღიარებული სტანდარტებით, გამჭვირვალე მმართველობის თანახმად. ნებისმიერი მოხელე, რომელიც ამ გარიგებაში მიიღებს მონაწილეობას ასევე არის კორუმპირებული. წერტილი!» — წერს ფადი ასლი.