„ლეიბორისტული პარტიის“ საპრეზიდენტო კანდიდატმა შალვა ნათელაშვილმა საპრეზიდენტო არჩევნებში გამარჯვების შემთხვევაში სოხუმის საქართველოს დედაქალაქად გამოცხადების პირობა დადო, ცხინვალს კი საპარლამენტო ქალაქად გამოაცხადებს:
„ჩემი გაპრეზიდენტების შემდეგ საქართველოს შეიარაღებული ძალები დაუბრუნდება საოკუპაციო ზოლს რათა დაიცვას ხალხის უსაფრთხოება. ქართული მიწების ოკუპაცია გახდება მსოფლიო პოლიტიკის წამყვანი თემა. ოკუპირებულ ტერიტორიაზე მოღვაწე ყველა თანამდებობის პირი, დიპლომატი და გენერალი გამოცხადდება საერთაშორისო ძებნაში, ინტერპოლის ხაზით. სოხუმი გამოცხადდება საქართველოს დედაქალაქად, ცხინვალი საპარლამენტო ქალაქად,“-განაცხადა შალვა ნათელაშვილმა.