სლოვაკეთის საპარლამენტო არჩევნებში ოპოზიცია ლიდერობს. წინასწარი მონაცემებით, ოპოზიციურ პარტიას „ჩვეულებრივი ადამიანები და დამოუკიდებელი პიროვნებები“ (OĽaNO) ხმების 24,8 პროცენტი აქვს.
მეორე ადგილს ხმების 18,9 პროცენტით, მმართველი პარტია „მიმართულება – სოციალური დემოკრატია“ იკავებს.
სლოვაკეთის პრემიერ-მინისტრმა პეტერ პელეგრინიმ ოპოზიციური პარტიის ლიდერს იგორ მატოვიჩს არჩევნებში გამარჯვება უკვე მიულოცა და აღნიშნა, რომ აინტერესებს, როგორ გაუმკლავდება ის თავის პოსტს.
„მარკეტინგი გეხმარება ხელისუფლებაში მოსვლაში, თუმცა ეს ქვეყნის სამართავად საკმარისი არ არის“, -აღნიშნა მოქმედმა პრემიერმა.
Loading…