ადგილობრივ ბაზარზე საკმაოდ დიდი რაოდენობის ქათმის ხორცი იწარმოება, ამის მიუხედავად დიდი რაოდენობით გაყინული ნედლეული შემოდის სხვადასხვა ქვეყნებიდან. ქართულ ბაზარზე ადგილობრივი პროდუქტი ხალხში დიდი პოპულარობით სარგებლობს, მაგრამ ქართულ მწარმოებლებს ახლა უკვე სხვა პრობლემა გამოუჩნდათ, წლების განმავლობაში სახელმწიფოს მიერ გატარებული რეფორმები სახელდება. მათ შორის კი ყველაზე მნიშვნელოვანი დამატებული ღირებულების გადასახადით დაბეგვრაა. 2011 წლის 1 იანვრიდან მოქმედი საქართველოს საგადასახადო კოდექსის 168-ე მუხლში, 2012 წლის 12 ივნისის საქართველოს კანონით განხორციელებული ცვლილებით, აღნიშნული მუხლის პირველი ნაწილის «ჟ» ქვეპუნქტში მითითებული დღგ-ის საგადასახადო შეღავათი კვერცხის გარდა, ასევე აღარ გავრცელდა შინაურ ქათამზეც. ამასთან, ამავე ცვლილებით, კოდექსის 168-ე მუხლის მე-4 ნაწილს დაემატა «ფ» ქვეპუნქტი, რომლითაც დღგ-სგან ჩათვლის უფლებით გათავისუფლდა საქართველოში წარმოებული სოფლის მეურნეობის პროდუქციის მიწოდება მის სამრეწველო გადამუშავებამდე, გარდა კვერცხისა და შინაური ქათმისა. 2017 წლის 24 აგვისტოდან სურსათის ეროვნული სააგენტო აქვეყნებს განკარგულებას, რომლის თანახმადაც ფრინველის ვეტერნარული შემოწმება მკაცრდება და საჭირო ხდება „ფორმა-2“, რაც ერთ სულ ფრინველზე 5 თეთრით შემოიფარგლება. ზოგიერთმა ქათმის ხორცის მწარმოებელმა ამასთან დაკავშირებით შეშფოთება გამოთქვა, ზოგს კი მონაცემებისა და დარღვევების აღმოჩენის შედეგად შეუჩერდა წარმოების უფლება.
სახელმწიფო ხელს უწყობს ადგილობრივ ქათმის ხორცის ექსპლუატაციის აკრძალვას
