მინისტრთა კაბინეტის ახალი შემადგენლობა უკვე პარლამენტშია წარდგენილი დასამტკიცებლად. სიაში მხოლოდ იუსტიციის მინისტრი იცვლება — თეა წულუკიანს მისივე ყოფილი მოადგილე, გოჩა ლორთქიფანძე ჩაანაცვლებს. იგი იუსტიციის მინისტრის უცვლელი მოადგილეა 2013 წლიდან.
დანარჩენი სამინისტროებისთვის, პარლამენტს დასამტკიცებლად წარუდგინეს მოქმედი მინისტრები:
1. განათლების, მეცნიერების, კულტურისა და სპორტის სამინისტრო — მიხეილ ჩხენკელი;
2. გარემოს დაცვისა და სოფლის მეურნეობის სამინისტრო — ლევან დავითაშვილი;
3. ეკონომიკისა და მდგრადი განვითარების სამინისტრო — ნათელა თურნავა;
4. თავდაცვის სამინისტრო — ირაკლი ღარიბაშვილი;
5. იუსტიციის სამინისტრო — გოჩა ლორთქიფანიძე;
6. ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო — ეკატერინე ტიკარაძე;
7. რეგიონული განვითარებისა და ინფრასტრუქტურის სამინისტრო — მაია ცქიტიშვილი;
8. საგარეო საქმეთა სამინისტრო — დავით ზალკალიანი;
9. ფინანსთა სამინისტრო — ივანე მაჭავარიანი;
10. შინაგან საქმეთა სამინისტრო — ვახტანგ გომელაური;
11. შერიგებისა და სამოქალაქო თანასწორობის საკითხებში სახელმწიფო მინისტრის აპარატი — თეა ახვლედიანი.
გარდა ამისა, ცვლილებებია მოსალოდნელი განათლების, მეცნიერების, კულტურისა და სპორტის სამინისტროში. დღეს, 18 დეკემბერს პარლამენტის ვიცე-სპიკერმა, გია ვოლსკიმ ჟურნალისტებს განუცხადა, რომ «დიდი ალბათობით», ამ უწყებას კულტურის სამინისტრო ცალკე გამოყოფა.
როგორ ნაწილდება მინისტრების პორტფელები
Loading…