ისრაელის კომპანია «Rafael»-მა წარმატებით გამოსცადა მობილური კომპლექსური თავდაცვის სისტემა მცირე მფრინავი თვითმფრინავის «Drone Dome» წინააღმდეგ.
ვიდეოკადრებში ნათლად ჩანს, თუ როგორ ახდენს მანქანის უკანა ნაწილში დამონტაჟებული სისტემა მიზნის ძიებას და შემდეგ განადგურებას საკმაოდ დიდ მანძილზე.
სისტემა «Drone Dome» შექმნილია მცირე მულტიკოპტერების, მიკრო და ნანო-საჰაერო ხომალდების გასანეიტრალებლად, რომელთა გამოყენებით ტერორისტები ან მტერი ახორციელებენ დაზვერვით სამუშაოებს, საჰაერო თავდასხმებს და ა.შ.
სისტემაში შედის სარადარო სისტემა RPS-42, მრავალმხრივი სათვალთვალო სისტემა MEOS და ფართო დიაპაზონის რადიოსიგნალების ჩამხშობი მოწყობილობა C-GUARD RD.
ის უზრუნველყოფს საჰაერო სივრცის მონიტორინგს 360 ° -მდე, მუშაობს ყველა ამინდის პირობებში, დღეში 24 საათის განმავლობაში.
მოწინააღმდეგის საფრენი აპარატის განეიტრალების პროცესი ხორციელდება რამდენიმე ეტაპად: პირველ ეტაპზე სისტემა ამოიცნობს საფრენ აპარატებს, ახდენს მისი ტიპის იდენტიფიცირებას და განსაზღვრავს საფრთხის დონეს, შემდეგ ინფორმაცია გადაეცემა ოპერატორს, შემდეგ კი, ხელით ან ავტომატურ რეჟიმში, იქმნება საფრენის აპარატის მმართვის კონტროლში ჩარევა, თუ დრონი შემოვა დაცულ ზონაში, მაშინ ის ნეიტრალიზდება GPS სისტემის ბლოკირებით და თვითმფრინავის რადიო კონტროლით. თუ ამ ყველაფერმა არ მოახდინა მიზნის განეიტრალება, მაშინ უკვე ხდება ლაზერული სისტემის გამოყენება, მტრის ობიექტის ლაზერული სხივით განადგურების მიზნით.