საქართველოს პარლამენტის წევრი სერგი კაპანაძე ხორავას ქუჩის მკვლელობასთან დაკავშირებით «ქართული ოცნების» მიერ გამოტანილ დადგენილებას ეხმაურება და სოციალურ ქსელში წერს:
«კი აღარაფერი მიკვირს ქართული ოცნებისგან, მაგრამ მაინც…
დღეს, ხომ გამოიტანეს ის რაღაც დადგენილება ხორავას ქუჩის საქმეზე, სადაც პრაქტიკულად წერია, რომ არაფერი მომხდარა, არავინ არ არის დასასჯელი და მხოლოდ შიდა მოკვლევა უნდა დაიწყოს პროკურატურამ ზოგიერთ დარღვევაზე.
ახლა ჩავრთე, მაინტერესებდა რამდენმა ადამიანმა დაუჭირა მხარი და, ჰოი საოცრებავ, 73 მომხრე და 1 წინააღმდეგი.
ოღონდ, დარბაზს თუ შეხედავთ, აღმოაჩენთ, რომ დარბაზში მხოლოდ 25-ოდე ადამიანი ზის.
არც კი რცხვენიათ, ცარიელ დარბაზში სხვის პულტებს აჭერენ ხელს და ისე იღებენ გადაწყვეტილებებს ასეთ თემაზე.»-წერს სერგი კაპანაძე