მიმდინარე წელს საქართველოს სკოლების მზის პანელებით აღჭურვა იგეგმება. განათლებისა და მეცნიერების მინისტრმა მიხეილ ჩხენკელმა განაცხადა, რომ პირველ ეტაპზე შეირჩევა 10-15 სკოლა მთელი საქართველოს მასშტაბით. «10-15 სკოლით დავიწყებთ პირველ ეტაპზე. პირველი სკოლები, სადაც ეს დამონტაჟდება, იქნება არა მხოლოდ თბილისში, არამედ მთელ საქართველოში. ჯერ გადაწყვეტილი არ არის, თუ რომელი სკოლებით დაიწყება, ამას სამუშაო ჯგუფი შეარჩევს», — აღნიშნა ჩხენკელმა.