განცხადებები

კარლ ჰარცელის კომენტარი ზაზა გახელაძის უკანონო დაკავების გაგრძელებასთან დაკავშირებით

ევროკავშირის ელჩის კარლ ჰარცელის კომენტარი სამხრეთ ოსეთის ადმინისტრაციულ საზღვარზე 2020 წლის 11 ივლისს დაკავებული ზაზა გახელაძის უკანონო დაკავების გაგრძელებასთან დაკავშირებით

დღეს საქართველოს თვითგამოცხადებული რეგიონის სამხრეთ ოსეთის დე ფაქტო ხელისუფლებამ ბ-ნ ზაზა გახელაძის უკანონო პატიმრობა თორმეტი წლით და ექვსი თვით გააგრძელა.
ევროკავშირი მოითხოვს ბ-ნ გახელაძის დაუყოვნებლივ გათავისუფლებას.
2020 წლის 11 ივლისს მისი უკანონო დაკავების შემდეგ, ევროკავშირი მის მყისიერ გათავისუფლებას დაჟინებით მოითხოვს, მათ შორის ევროკავშირის სადამკვირვებლო მისიის მიერ მართული ცხელი ხაზის მეშვეობით და ერგნეთის ინციდენტების პრევენციისა და მათზე რეაგირების მექანიზმის (IPRM) და ჟენევის საერთაშორისო დისკუსიების ფარგლებში.
ამ კონტექსტში, ევროკავშირი რუსეთის ფედერაციას ასევე ახსენებს მისი პასუხისმგებლობის შესახებ ადამიანის უფლებათა ევროპული სასამართლოს მიერ 2021 წლის 21 იანვრას მიღებული გადაწყვეტილების შესაბამისად.
ევროკავშირი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში და გააგრძელებს ადმინისტრაციული საზღვრების გასწვრივ მცხოვრები კონფლიქტის შედეგად დაზარალებული მოსახლეობის ადამიანის უფლებებისა და უსაფრთხოების მდგომარეობის საკითხების მოგვარებას ჟენევის საერთაშორისო დისკუსიებისა და ინციდენტების პრევენციისა და მათზე რეაგირების მექანიზმის (IPRM) შეხვედრების ფარგლებში.

paqtebi.ge

Loading…

მსგავსი პოსტები

მიხეილ სააკაშვილი სასჯელს კანონიერად იხდის, წერტილი — შალვა პაპუაშვილი

„თავისუფალი საქართველო“ განცხადებას ავრცელებს

Joni Kvaracxelia

«12 სექტემბერს შინაგანი ჯარის დაბადების დღეა. სიტყვას გაძლევთ ეს უკანასკნელია, როდესაც ჩვენ ამ დღეს ფარულად აღვნიშნავთ»

დატოვე კომენტარი