ნიუ-იორკის აეროპორტში დუბაიდან ჩაფრენილი თვითმფრინავის მგზავრებს ბორტის დატოვების უფლება არ მისცეს. კარანტინის გამოცხადების გადაწყვეტილება აეროპორტის ადმინისტრაციამ მას შემდეგ მიიღო, რაც მგზავრები შეუძლოდ გახდნენ. თავი ცუდად 100-მდე ადამიანმა იგრძნო, ნაწილს მაღალი ტემპერატურაც ჰქონდა, რის გამოც მათი საავადმყოფოში გადაყვანა გახდა საჭირო. გავრცელებული ცნობით, ნიუ-იორკში გამგზავრებამდე მგზავრების ნაწილი მექაში იმყოფებოდა, სადაც ამ დროისთვის გრიპის ვირუსია გავრცელებული.