თბილისის საბავშვო ბაგა-ბაღების თანამშრომლები სააღდგომო ფულად საჩუქარს მიიღებენ. «თბილისის ბაგა-ბაღების მართვის სააგენტოს» აცხადებს, რომ კვირის ბოლომდე ფულად წახალისებას 9 300 თანამშრომელი მიიღებს. ამ მიზნით სააგენტოს ბიუჯეტიდან ერთ მილიონამდე ლარია გათვალისწინებული. სააგენტოში ამბობენ, რომ საბავშვო ბაღების ყველა თანამშრომელი 125 ლარ საჩუქრად მიიღებს, თუმცა ხელზე 100 ლარს აიღებენ. ამასთან, როგორც სააგენტოში აღნიშნავენ, სააღდგომოდ ფულად წახალისებას ვერ აიღებენ ის პირები, რომლებიც არაანაზღაურებად შვებულებაში იმყოფებიან.