პრეზიდენტობის კანდიდატის, ვლადიმერ ზელენსკის წინააღდეგ აღძრულია საქმე, რომლის დამტკიცების შემთხვევაში, შესაძლოა მას აეკრძალოს არჩევნებში მონაწილეობის მიღება.
უკრაინის მეექვსე ადმინისტრაციულმა სააპელაციო სასამართლომ წარმოებაში მიიღო და განიხილავს საქმეს, უკრაინის პრეზიდენტობის ერთ-ერთი კანდიდატის, ვლადიმერ ზელენსკის რეგისტრაციიდან მოხსნის შესახებ. ამის შესახებ განაცხადა ადვოკატმა და დამკვირვებელმა საზოგადოებრივი ორგანიზაციიდან „უკრაინის აქციონერთა ასოციაცია“ ანდრეი ხილკომ.
„სასამართლომ საქმის წარმოების მსვლელობაში მისცა ჩემი სარჩელი, როგორც ოფიციალური დამკვირვებლისა“ — ფეისბუქის საკუთარ გვერდზე წერს ხილკო.
ადვოკატის თქმით, სასამართლო საქმის განხილვას დღეს, ადგილობრივი დროით 21:00 (თბილისის დროით 22:00) სთ-ზე დაიწყებს. 20:30 სთ-ზე კი ხილკომ ბრიფინგი ჩანიშნა, სადაც ის ჟურნალისტებთან ერთად განიხილავს დანიშნულ სასამართლო პროცესს.
სასამართლო ხელისუფლების საიტზე განთავსებულ განცხადებაში წერია, რომ: საქმე #855/124/19, ცნობილ იქნეს კანონდარღვევად ამომრჩევლის მოსყიდვა და ცესკოს მიერ 30.01.2019 წლის გადაწყვეტილების #153, პრეზიდენტობის კანდიდატის, ვლადიმერ ზელენსკის კანდიდატის რეგისტრაციის შესახებ, გაუქმება იქნება განხილული 2019 წლის 20 აპრილს.