ვენეცია 77-ე კინოფესტივალს მასპინძლობს. ფესტივალზე წელს 66 კინოსურათია წარდგენილი. წელს პირველად, ბოლო 11 წლის განმავლობაში, ბიენალე დანიელე ლუჩეტის იტალიური ფილმის ჩვენებით გაიხსნა. ფესტივალის ჟიურის თავმჯდომარე ავსტრალიელი მსახიობი ქეით ბლანშეტია.
პანდემიის გამო შემცირდა აკრედიტებულ ჟურნალისტთა და ფოტოგრაფთა, ასევე კინოინდუსტრიის წარმომადგენელთა რაოდენობა. ფილმების ყურება ღია სივრცეებში განთავსებული ადგილებიდანაც იქნება შესაძლებელი, თუმცა, მაყურებელთა უმეტესობას ფესტივალისთვის თვალის დევნება, ძირითადად, მაინც ონლაინ ტრანსლაციების საშუალებით მოუწევს.
Loading…