განცხადებები

«ეს იყო ხელისუფლების შეცდომა…»-საპატრიარქოს საგანგებო განცხადება

საქართველოს საპატრიარქო გუშინ რუსთაველზე გამართულ დაპირისპირებას განცხადებით ეხმაურება.

«საქართველოს საპატრიარქოს განცხადება

21.06.2019

დიდია ჩვენი გულისტკივილი პარლამენტთან შუაღამისას განვითარებული მოვლენების გამო, რის შედეგადაც დაშავდა მრავალი ადამიანი, მეტწილად ახალგაზრდები.

ქვეყნის სიყვარულით გულანთებული ათასობით ახალგაზრდა სამშობლოს ღირსების დასაცავად გამოვიდა რუსთაველზე და თავისი სამართლიანი გულისწყრომა გამოხატა პარლამენტის სხდომათა დარბაზში რუსეთის საკანონმდებლო ორგანოს იმ წევრის თავმჯდომარეობის გამო, რომელმაც მხარი დაუჭირა საქართველოს ტერიტორიული მთლიანობის ხელყოფას.

ეს იყო ხელისუფლების შეცდომა, რომელსაც მოჰყვა ხალხის სამართლიანი მშვიდობიანი პროტესტი; მაგრამ არამართებული მოწოდებებით მიტინგს სახიფათო სახე მიეცა, მოვლენები მყისიერად განვითარდა და პარლამენტის შენობის ძალით დაკავების მცდელობაში გადაიზარდა.

ვფიქრობთ, საჭიროა, ხელისუფლებამ სასწრაფოდ გამოიძიოს მიზეზები და სათანადო სტრუქტურებმა, მასმედიამ და ექსპერტებმა მიუკერძოებელი შეფასებები გააკეთონ როგორც მომხდართან დაკავშირებით, ისე ზოგად-პოლიტიკურ პროცესებთან მიმართებაში, რათა საზოგადოებას არსებული ვითარების გააზრების საშუალება მიეცეს, შენარჩუნებულ იქნას მშვიდობა და პროცესებმა სამოქალაქო დაპირისპირების სახე არ მიიღოს.

ღმერთმა მოგვცეს ძალა, რომ ჩვენმა ხალხმა ეს გამოწვევები დაძლიოს და მათ ღირსეული პასუხი გასცეს.»-აღნიშნულია საპატრიარქოს განცხადებაში

ფაქტები.ჯი

Loading…

მსგავსი პოსტები

«ოჩამჩირეში მოვიდნენ აფხაზები და რუსები და უთხრეს: აწერ ხელს აფხაზეთის დამოუკიდებლობას და გაბრუნებთ თბილისშიო, ზვიადი შეგნებულად წავიდა სიკვდილზე და არ დათმო საქართველოს თავისუფლება»

«არ მიხარია ეს ამბავი, მაგრამ ბუნებრივად ხდება ასეთი რაღაცები…»-მარიტა მუსელიანი

roma sajaia

რამ გამოიწვია დიღომში აფეთქება?-«ყაზტრანსგაზი» განცხადებას ავრცელებს

Joni Kvaracxelia

დატოვე კომენტარი