დღეს, საპარლამენტო უმცირესობის, ევროპული საქართველოს ერთ-ერთმა ლიდერმა, დავით ბაქრაძემ საგანგებო განცხადებით მიმართა საზოგადოებას. მისი თქმით: «როგორც ჩანს ხელისუფლების განზრახვაა დახურულ კარს მიღმა გადაწყდეს თუ ვინ იქნება საქართველოს მთავარი პროკურორი… ჩვენი მიზანია დავამსხვრიოთ მსგავსი სისტემა როცა დახურულ კარს მიღმა ხდება დანიშვნა მაღალ თანამდებობებზე. სრულიად სოლიდარულები ვართ ზაზა სარალიძისა და იმ საზოგადოების, რომელიც ამ დღეებში დგანან მიტინგზე მოთხოვნით, რომ უნდა დაინგრეს სისტემა. თუმცა როგორც საპარლამენტო ოპოზიცია ამ მოთხოვნებს დავამატებდით ჩვენს წინადადებას, ქვეყნის მთავარი პროკურორის პოსტზე შალვა შავგულიძის კანდიდატურას».
შეგახსენებთ, რომ წუხელ ქართული ოცნების მთავარ ოფისში, დახურულ კარს მიღმა მიმდინარეობდა კონსულტაციები მთავარი პროკურორის კანდიდატურაზე.