«ძალა ერთობაშიას » წარმომადგენლები დღეს ფლავისმანში ოკუპანტების მიერ გატაცებულ და მეორე დღეს გათავისუფლებული თამაზ ილურიძე მოინახულეს. მან სტუმრებს დეტალები გატაცების ადგილთან ახლოს უამბო.
«ცნობისთვის, ამ კაცს სოციალური დახმარება აქვს მოხსნილი, ისევე, როგორც აძვიდან გატაცებულ და მეორე დღეს დაბრუნებულ გუნდიშვილს.
ამ დროს სოციალურ დახმარებას ისეთი იღებს ბევრი, ვისაც ამის საჭიროება არა აქვს, მაგრამ მუქთა ფული გემრიელია, ალბათ…» — წერს ძალა ერთობაშიას წარმომადგენელი, ლაშა ბერულავა.
შეგახსენებთ, რომ ორიოდე დღის წინ, სოფელ ფლავისმანში ოკუპანტებმა საქართველოს მოქალაქე, თამაზ ილურიძე გაიტაცეს. «ძალა ერთობაშიას» საპროტესტო აქციის საფუძველზე ის მეორე დღესვე გათავისუფლებულ იქნა.
