ცხადია, რომ ივანიშვილი ღარიბაშვილს არ გადააყენებს. იმიტომ კი არა, რომ უყვარს. არამედ იმიტომ, რომ ეს რომ გააკეთოს, მთელი სისტემა ჩამოეშლება: ბანდამ უნდა იცოდეს, რომ მეთაური მათ ყველა ვარიანტში დაიცავს, წინააღმდეგ შემთხვევაში მათ ასეთი მეთაური არ სჭირდებათ.
უფრო მეტიც: ღარიბაშვილი ახლა ივანიშვილის ყველაზე ძვირფას კადრად იქცა — სისხლშია გასვრილი, ამიტომ თავისი ბატონის ბოლომდე ერთგული იქნება და ბოლომდე იბრძოლებს. იმიტომ კი არა, რომ უყვარს. არამედ იმიტომ, რომ სხვა გამოსავალი არ აქვს.
არ გახსოვთ, როდესაც «ახლგაზრდა რევოლუციონერების» წყალობით 2019-ში რევოლუციური მუხტი წარმატებულად დასამარდა, ივანიშვილმა თვალთხარია გახარია არათუ გადააყენა, პრემიერად დანიშნა. დაუფასა სისხლიანი ერთგულება.
ეს ყველაფერი მარტივი და გასაგებია. საკითხავი ისაა, რას გააკეთებს ოპოზიცია ხვალ, 12:00 საათის შემდეგ, როდესაც აღმოჩნდება, რომ ბიძინას მათი ულტიმატუმი ზედ ქოცზე ჰკიდია.
P.S. ნეტა ვინმემ იცოდეს, როგორ მინდა არ გამართლდეს ჩემი გუშინდელი პროგნოზი!
ლევან ფესვიანიძე, ბიზნესის მართვის სპეციალისტი