ანგელა მერკელი გერმანიიდან ამერიკელი ჯარისკაცების ნაწილის გაყვანის დონალდ ტრამპის ინიციატივასა და ამერიკის შეერთებული შტატების პრეზიდენტის მხრიდან წამოსულ კრიტიკასს გამოეხმაურა. აშშ-ის პრეზიდენტი გერმანიას ნატო-ს ბიუჯეტში არასაკმარისი კონტრიბუციისთვის აკრიტიკებს.
„გერმანიაში აშშ-ს სამხედროების ყოფნა არა მარტო გერმანელებსა და ნატო-ს ევროპულ ნაწილს იცავს, ასევე, აშშ-ს ინტერესებსაც ემსახურება“, – განაცხადა ანგელა მერკელმა.
ანგელა მერკელის თქმით, გერმანიაში აცნობიერებენ, რომ ნატო-ს თავდაცვაში მეტი ფინანსების უნდა ჩადონ, თუმცა დაამატა, რომ ბოლო რამდენიმე წლის განმავლობაში ამ მიმართულებით ქვეყანამ დიდ პროგრესს მიაღწია.
Loading…