ავსტრალიაში მძვინვარე ტყის ხანძრებმა ახალი სამხრეთ უელსის შტატის ქალაქი ბალმორალი პრაქტიკულად მთლიანად გაანადგურეს. , ცეცხლმა პატარა ქალაქი თითქმის ყველა ნაგებობა გადაწვა. ხანძარმა დასახლებულ პუნქტამდე უკვე მეორედ, ქარის მიმართულების შეცვლის შედეგად მიაღწია. ბალმორალში დაახლოებით 400-მდე ადამიანი ცხოვრობდა. სტიქიას მსხვერპლი არ მოჰყოლია, თუმცა რამდენიმე მეხანძრე დაშავდა.
ქვეყანაში ტყის ხანძრების გამო საგანგებო მდგომარეობაა გამოცხადებული. ხანძრების შედეგად დაიწვა მილიონობით ჰექტარი მიწა და 700-ზე მეტი სახლი განადგურდა, სტიქიას უკვე 9 ადამიანი ემსხვერპლა. 18 დეკემბერს საშუალო ტემპერატურამ ავსტრალიაში 41.9 გრადუსს მიაღწია, რაც ქვეყნის ისტორიაში ყველაზე ცხელი დღე აღმოჩნდა. ტურისტებს ავსტრალიაში მოგზაურობისას განსაკუთრებული სიფრთხილისკენ მოუწოდეს.