თბილისის საქალაქო სასამართლოში სასჯელაღსრულების დეპარტამენტის გლდანის N8 დაწესებულებაში პატიმარ დ.რ-ს მიმართ ძალადობითა და დაზარალებულის პირადი ღირსების შეურაცხყოფით განხორციელებული სამსახურებრივი უფლებამოსილების გადამეტების ფაქტზე მიმდინარე საქმის განხილვა დასრულდა. ამის შესახებ ინფორმაციას მთავარი პროკურატურა ავრცელებს. უწყების ცნობით, სასამართლომ სრულად გაიზიარა პროკურატურის მიერ წარდგენილი მტკიცებულებები და სასჯელაღსრულების დეპარტამენტის გლდანის N8 საპყრობილის რეჟიმის განყოფილების ყოფილი უფროსი ინსპექტორი კ.ყ. წარდგენილ ბრალდებაში დამნაშავედ ცნო. საქმე ეხება 2008 წლის ოქტომბერში მომხდარ ფაქტს, როდესაც ნარკოტიკული დანაშაულის ჩადენის ბრალდებით დააკავეს დ.რ, რომელსაც 2008 წლის 27 ოქტომბერს აღკვეთის ღონისძიების სახით პატიმრობა შეეფარდა.
ძალადობის ფაქტი ციხეში — რა მოხდა გლდანის მე-8 საბყრობილეში
