ცრუ ინფორმაციის გავრცელებისთვის, რასაც შესაძლოა, მძიმე შედეგები მოჰყვეს, რუსეთში მოქალაქეებს ხუთ წლამდე თავისუფლების აღკვეთა ემუქრებათ. სისხლის სამართლის კოდექსში აღნიშნული ცვლილებების შეტანის შესახებ განკარგულებას, რუსეთის პრეზიდენტმა, ვლადიმირ პუტინმა მოაწერა ხელი.
კანონი სახელმწიფო დუმამ და ფედერალურმა საბჭომ რიგგარეშე სესიაზე, სამშაბათს დაამტკიცეს. 700 ათასი რუბლიდან 1.5 მილიონ რუბლამდე ჯარიმას ითვალისწინებს ცრუ ინფორმაციის გამიზნულად გავრცელება, რამაც შესაძლოა, ადამიანის ჯანმრთელობას ზიანი მიაყენოს. ჯარიმა შესაძლოა, 18 თვემდე პერიოდის განმავლობაში პირის შემოსავლის მთლიანი ოდენობითაც განისაზღვროს ან სასჯელის ფორმად პირს ერთ წლამდე გამოსასწორებელი სამუშაოები, ან 3 წლამდე თავისუფლების აღკვეთაც კი დაეკისროს.
Loading…