საქართველოს პარლამენტის თავმჯდომარის მოადგილემ გიორგი კახიანმა აშშ-ის მხრიდან დაწესებულ სავიზო შეზღუდვებზე განცხადება გააკეთ:
“ადრე თუ გვიან ამ პროცესის ნორმალიზება აუცილებლად მოხდება იმიტომ, რომ ეს არის ორივე მხარის ინტერესში. სამწუხაროდ, ასეთი მოქმედებები ახანგრძლივებს ამ დროს. რა თქმა უნდა, არ არის სასიამოვნო, მაგრამ საერთოდ ვერ ვხედავ პრობლემას, როდესაც კონკრეტული პირების დასანქცირება ხდება. უმრავლესობის ყოველ წევრს გათავისებული გვაქვს ერთი რამ, რომ ჩვენ ვიცავთ ჩვენი ქვეყნის ინტერესს, ჩვენი ქვეყნის სუვერენიტეტს და ამ ბრძოლაში ერთი ნაბიჯით უკან დამხევი არავინ არ არის“, – განაცხადა გიორგი კახიანმა.