პარტია «ქართული ოცნების» კოორდინატორების ნაწილმა ამავე პარტიის საარჩევნო შტაბი დატოვა და «ევროპულ საქართველოში» გადავიდა.
ამასთან დაკავშირებით ბრიფინგი «ევროპული საქართველოს» გენერალურმა მდივანმა გიგი უგულავამ გამართა:
„ორი კვირაა დარჩენილი არჩევნებამდე და «ქართული ოცნებიდან» სხვადასხვა თანამდებობის პირების, სხვადასხვა ადამიანების „ქართული ოცნების“ დატოვების პროცესი გრძელდება. მას შეუქცევადი ხასიათი აქვს,
ეს ადამიანები, წარსულში, პირდაპირ პოლიტიკურად დაპირისპირებულები იყვნენ ჩვენთან, ჩვენ სხვადასხვა ნაპირზე ვიდექით, ბევრი რამე განგვასხვავებდა, მაგრამ საერთო გვქონდა ერთი — ჩვენი ქვეყნის უკეთესი ხვალინდელი დღე და უკეთესი ხვალინდელი დღისთვის ბრძოლა,“ — განაცხადა გიგი უგულავამ.