საგამოძიებო სამსახურმა ორი პირი NOKIA-ს ბრენდის უკანონოდ გამოყენების ბრალდებით დააკავა. უწყების ცნობით, დაკავებულები ჩინური წარმოების იაფფასიან მობილურებსა და აქსესუარებს NOKIA-ს სასაქონლო ნიშნით ყიდდნენ. გამოძიების ინფორმაციით, სულ უკანონოდ ნიშანდებული 3 791 მობილურია ამოღებული. გამოძიება საქართველოს სისხლის სამართლის კოდექსის 196-ე მუხლის პირველი ნაწილით მიმდინარეობს. აღნიშნული მუხლი დიდი ოდენობით სხვისი სასაქონლო ნიშნის უკანონო დამზადებას, გამოყენებასა და ბრუნვაში შეტანას გულისხმობს და ითვალისწინებს ჯარიმას, გამოსასწორებელ სამუშაოს ან თავისუფლების აღკვეთას ორ წლამდე ვადით.
ფრთხილად !!! NOKIA-ს ფალსიფიცირებული მობილურები
