ომი უკრაინაში

უკრაინის გენშტაბის ინფორმაციით, უკრაინის არმიამ დონეცკისა და ხერსონის ოლქებში რუსეთის იერიშების მოგერიება შეძლო

უკრაინის შეიარაღებული ძალების გენშტაბის ინფორმაციით, უკრაინის არმიამ დონეცკისა და ხერსონის ოლქებში რუსეთის იერიშების მოგერიება შეძლო.

მათი ცნობით, დონეცკის ოლქში რუსეთის არმია რამდენიმე მიმართულებით შეტევით ოპერაციებს ატარებდა , მათ შორის ქალაქ ბახმუტთან და უგლეგორსკის თბოელექტროსადგურთან, მაგრამ როგორც უკრაინის გენშტაბში განაცხადეს, რუსეთის ქმედებები წარუმატებელი აღმოჩნდა. ამას გარდა, რუსეთის არმია ცდილობდა შეტევას ავდეევკის რაიონში, თუმცა უკრაინელებმა მათი მოგერიება შეძლეს.

„დონეცკი-პესკისა და ნოვოსელოვკა-ალექსანდროპოლის მიმართულებებით საბრძოლო მოქმედებები გრძელდება“, – ნათქვამია უკრაინის შეიარაღებული ძალების გენშტაბის ინფორმაციაში.

მათივე ინფორმაციით, რუსეთის არმიის შეტევა მიმდინარეობს ასევე ლუგანსკისა და დონეცკის ოლქების ადმინისტრაციული საზღვრის სიახლოვეს, დასახლებულ პუნქტ ივანო-დარიევკასთან ბრძოლა გრძელდება.

ხერსონის ოლქში რუსი სამხედროები ცდილობდნენ შეტევის წამოწყებას დასახლებული პუნქტების, სუხოი სტავოკისა და ლოზოვოეს მიმართულებით, თუმცა როგორც უკრაინის არმიის გენშტაბში აცხადებენ, ამ შემთხვევაშიც, რუსეთის იერიშს შედეგი არ ჰქონია.

Loading…

მსგავსი პოსტები

2500-დან 3000-მდე ადამიანი — უკრაინის პრეზიდენტმა ომის დროს უკრაინელ სამხედროებს შორის დანაკარგები გამოაცხადა

უნგრეთს კარებისკენ მიუთითეს: ლიტვის მუდმივმა წარმომადგენელმა განაცხადა, რომ ქვეყანა, რომელიც არ არის მზად ევროკავშირის სოლიდარობისა და ურთიერთნდობის გასაზიარებლად, უნდა დატოვოს კავშირი

Joni Kvaracxelia

პოლონეთი მზადაა უკრაინას გადასცეს გამანადგურებელი MiG-29 — განაცხადა დუდამ

დატოვე კომენტარი