სირიაში არსებულ სიტუაციას რომის პაპმა არაადამიანური უწოდა და მხარეებს დაუყოვნებლივ ცეცხლის შეწყვეტისკენ მოუწოდა, რათა მშვიდობიანმა მოსახლეობამ მიიღოს ჰუმანიტარული დახმარება და მოხერხდეს დაშავებულებისა და ავადმყოფების ევაკუაცია — ეს განცხადება ფრანცისკემ, წმ. პეტრეს მოედანზე შეკრებილ მორწმუნეების წინაშე გააკეთა.
მან ასევე აღნიშნა, რომ 2018 წლის თებერვალი სირიის ტერიტორიაზე, ბოლო შვიდი წლის განმავლობაში ყველაზე მძიმე პერიოდია, რადგან მას ათასობით მშვიდობიანი მოსახლე ემსხვერპლა, მათ შორის არიან ბავშვები, ქალები და მოხუცები.
«ეს ყველაფერი არაადამიანობაა. არ შეიძლება ბოროტებას სხვა ბოროტების მეშვეობით ებრძოლო», — განაცხადა რომის პაპმა.