პოლიტიკა

საქართველოში პენსიით უზრუნველყოფილი სესხების რეკლამირება აიკრძალება

საქართველოს ეროვნული ბანკის გადაწყვეტილებით, პენსიით უზრუნველყოფილი სესხების რეკლამირება პენსიონერთა ინდივიდუალური თანხმობის გარეშე იკრძალება. ამასთან, აღნიშნული ცვლილება გავრცელდება იმ პენსიონრებზე, რომელთა შემოსავალიც მხოლოდ პენსიით ან/და სხვა სახელმწიფო სოციალური გასაცემელით განისაზღვრება. სებ-ის ახალი გადაწყვეტილებით, კომერციული ბანკები ვერ შეძლებენ პენსიით უზრუნველყოფილი სესხების რეკლამირებას, რომლის შინაარსიც საპენსიო ან სხვა ტიპის სოციალური გასაცემელის საფუძველზე მომხმარებელს სესხს შესთავაზებს. როგორც ეროვნულ ბანკში აცხადებენ, ცვლილების მიზანია ე.წ. მოწყვლადი ჯგუფების დაცვა გაუთვითცნობიერებელი გადაწყვეტილებების მიღებისა და ჭარბვალიანობისგან. აღნიშნული ხელს შეუწყობს მომხმარებლებზე მეტად მორგებული გარემოს ჩამოყალიბებას და მათი უფლებების დაცვის მაღალი სტანდარტის დანერგვას.

მსგავსი პოსტები

«ეს რომ ნორმალური ქვეყანა იყოს, გიორგი გახარია გადადგებოდა»-«ოცნების» დეპუტატი რომან კაკულია

Joni Kvaracxelia

«ცესკომ» 2021 წლის თვითმმართველობის არჩევნებისთვის პოლიტიკურ პარტიებს ნომრები მიანიჭა

როდის დატოვებს ნიკა მელია საპატიმროს?-თარიღი ცნობილია

roma sajaia

დატოვე კომენტარი