საქართველოს ყოფილმა პრეზიდენტმა, უკრაინის რეფორმების ეროვნული საბჭოს აღმასრულებელი კომიტეტის ხელმძღვანელმა, მიხეილ სააკაშვილმა უკრაინის ხელისუფლებას მოუწოდა სანქციები დაუწესონ ცნობილ რესტორატორს, ალექსანდრე ორლოვს. რუს-უკრაინელი ბიზნესმენი, სააკაშვილის თქმით, აფხაზეთში იმყოფებოდა. სოციალურ ქსელში ორლოვმა დაწერა, რომ მან თვითგამოცხადებული რესპუბლიკის პრეზიდენტთან, ასლან ბჟანიასთან ერთად “საღამოს სოხუმის ერთ-ერთი პარკში გაისეირნეს”.
”კიევის კლუბების მეპატრონე საშა ორლოვი მოპარული ქონების გასაზიარებლად ჩავიდა ჩემს მშობლიურ სოხუმში, საიდანაც მოსახლეობის 80% გაასახლეს რუსეთის აგრესიის დროს და ეს არის საქართველოს ისეთივე ოკუპირებული ნაწილი, როგორც ყირიმი და დონბასი – უკრაინისთვის. პარკში, სადაც ეს სუბიექტი დადის, დაიღვარა 36 დაღუპული უკრაინელი მოხალისის სისხლი, რომლებიც სოხუმს სიცოცხლის უკანასკნელ წუთამდე იცავდნენ რუსი დამპყრობლებისაგან. და, როგორც ჩანს, მას სურს მათ ძვლებზე, იქ სხვა კლუბის გახსნა ”, – წერს სააკაშვილი.
