განცხადებებისოცქსელი

«სააკაშვილის გარეშე უზურპატორ ივანიშვილს ამ ქვეყანას ვერ ჩამოვაშორებთ»-ნიკა გვარამია

«მთავარი არხის» გენერალური დირექტორი ნიკა გვარამია მიხეილ სააკაშვილის განცხადებას  გამოეხმაურა:

«არ ვიცი, ვინ ვერ ხედავს პოლიტიკაში, არ ვიცი ვინ სად ხედავს, ზოგადად, არ მაინტერესებს ვინ როგორ უყურებს, მაგრამ ორი რამ ვიცი ზუსტად:

🛑 ეს კაცი თანამედროვე ქართული სახელმწიფოს დამფუძნებელი მამა და ყველაზე მასშტაბური ქართველი პოლიტიკოსია,

🛑 ამ კაცის გარეშე უზურპატორ ივანიშვილს ამ ქვეყანას ვერ ჩამოვაშორებთ.

ამ წუთას, მთავარი ზუსტად ისაა, ხელისუფლებიდან ვინ წავა. ასეთია ისტორიული რეალობა და მას უნდა მოვერგოთ და მოვიყვანოთ დრო, როცა მომსვლელი იქნება მნიშვნელოვანი. დღეს ჩვენ არჩევის უფლება წართმეული გვაქვს და გადარჩევნები უნდა მოვაწყოთ, და არა არჩევნები! ამიტომაც, ხელისუფლებაში ვინ მოვა, ეს სპეკულაცია არც რელევანტურია და არც ადეკვატური. მით უფრო, რომ ეს არავის მოსაზრებებით და სურვილებით არ წყდება, ამას ამომრჩეველი წყვეტს ნორმალური არჩევნების გზით.

აი, უსამართლოდ და უკანონოდ დევნილ სააკაშვილს რომ მიეცემა სხვების თანაბრად ამომრჩეველთან კომუნიკაციის და საკუთარ სამშობლოში ყოფნის უფლება, ასევე, იმათთან დებატების შესაძლებლობა, ვინც მას ვერ ხედავს ან არ უნდა რომ დაინახოს, მერე ვნახოთ, ხელისუფლებაში ვინ მოვა და რას გააკეთებს.

მე პირადად, ძალას არ დავიშურებ, რომ ასე მოხდეს. მერე ვის მივცემ ხმას და ვისი ხელისუფლებაში ყოფნა მენდომება, ამაზე უივანიშვილო საქართველოში მოგახსენებთ. მანამდე, ვიბრძოლებ, რომ სამარცხვინო უსამართლობა — ქვეყნის დამფუძნებელი მამა დევნილი, ქვეყნის დამაქცევარი უზურპატორი კი მეფე — აუცილებლად გამოსწორდეს!

ps ხო მართლა, კრიტიკოსებისთვის ცალკე სამუშაო მაქვს: აი ამ ვიდეოში რას ამბობს არასწორს?»-წერს ნიკა გვარამია სოციალურ ქსელში.

Loading…

მსგავსი პოსტები

ქართული ოპოზიციის ლიდერები უკრაინის რადას და უკრაინელ ხალხს წერილობით მიმართავენ

«დავით გარეჯს გვართმევენ…ვერ მიხვდით ჯერ???»-დავით ქაცარავა (ვიდეო)

«რაც შეეხება კოლხური კოშკის გასაღებს ის ეკუთვნის გამსახურდიების ოჯახს. სხვა გარეშე პირს მისი ფლობის და არც პრეტენზიის უფლება არ გააჩნია!!!!»-ცოტნე გამსახურდიას ყოფილი მეუღლე

დატოვე კომენტარი