«რუსეთი რომ ოკუპანტია, რობიკო ამას მთელი თავის ცხოვრება იძახის»-გოგა ბარბაქაძე

რუსთაველის თეატრის ჩეხოვის ფესტივალზე მოსკოვში გამგზავრებას ამავე თეატრის მსახიობი გოგა ბარბაქაძე გამოეხმაურა:

«ფეხბურთის მსოფლიო ჩემპიონატი რომ ჩატარდა რუსეთში და გაემარჯვა საქართველოს ეროვნულ ნაკრებს, არ უნდა წასულიყო? ხომ ითამაშეს ბიჭებმა და ვჩალიჩობდით, რომ გავსულიყავით, უბრალოდ, სამწუხაროდ, მოხდა, რომ ვერ გავედით მსოფლიო ჩემპიონატის შესარჩევში. გარკვეულ უხერხულობას არ შექმნიდა საქართველოს ნაკრები, რომ წასულიყო? ეს თქვენთვის არ არის მნიშვნელოვანი, თორემ ანალოგიურად მნიშვნელოვანია, როგორც მსოფლიო ჩემპიონატი, ასევე ჩეხოვის ფესტივალი და ბატონი რობიკოს სტატუსებს არ კითხულობთ რუსეთთან დაკავშირებით რეებს წერს? რუსეთი რომ ოკუპანტია, რობიკო ამას მთელი თავის ცხოვრება იძახის, იმას რატომ არ აქვეყნებთ?»