როგორ გახდა ალბინიზმით დაავადებული გოგონა ბავშვთა სახლიდან Vogue- ს მოდელი

0
147

ბავშვობაში სუელი მშობლებმა ბავშვთა სახლის კართან დატოვეს. ჩინეთში ალბინიზმს ზოგი დღემდე წყევლად თვლის.

ეს იშვიათი გენეტიკური აშლილობა ხასიათდება პიგმენტის სრული ან ნაწილობრივი არარსებობით, რაც კანს და თმას ფერმკრთალ ელფერს ანიჭებს და ასევე იწვევს მზის სხივების მომატებულ მგრძნობელობას.

ამასთან, სუელის არაჩვეულებრივმა გარეგნობამ მას შესაძლებლობა გაუჩინა, რომ მოდელი გამხდარიყო. 16 წლის ასაკში გოგონამ დაამშვენა ჟურნალ Vogue– ს გვერდები. მას დღემდე იღებენ წამყვანი ბრენდების სარეკლამო კამპანიებისთვის.


აი მისი ისტორია:
«ბავშვთა სახლის მუშებმა დამარქვეს სუე-ლი. «სუე» ჩინურიდან თარგმანში ნიშნავს თოვლს, «ლი» — სილამაზეს. როდესაც სამი წლის ვიყავი, მე მიშვილეს: დედასთან და დასთან ერთად გადავედი საცხოვრებლად ნიდერლანდებში. დედამ მითხრა, რომ ჩემთვის უკეთესი სახელს ვერ მოიფიქრებდა, რადგან მნიშვნელოვანი იყო ჩინურ ფესვებთან კონტაქტი.

როდესაც მე დავიბადე, ჩინეთის სახალხო რესპუბლიკის მთავრობას ჰქონდა გატარებული პოლიტიკა, თითო ოჯახიდან თითო ბავშვი. თუ ვინმეს ჰყავდა ბავშვი ალბინიზმით, ეს დიდ წარუმატებლად ითვლებოდა. ზოგი ჩემნაირი ბავშვი დარჩენილ იქნა საკუთარი ბედის ამარა, ზოგიც სახლში გამოკეტილი, ხოლო ვინც სკოლაში დადიოდა, თმა შავად შეღებილი ჰქონდა.

ზოგიერთ აფრიკის ქვეყნებში ალბინოესებზე ნადირობენ კიდეც: მათ კიდურებს ჭრიან ან საერთოს კლავენ. მკურნალები მათ ძვლებს იყენებენ მედიკამენტების დანამატად: ადგილობრივები თვლიან, რომ ამით მათ სხვადასხვა დაავადებებისგან განკურნება შეუძლიათ, მაგრამ, რა თქმა უნდა, ეს მხოლოდ მითია. გამიმართლა, რომ მსგავსი ბედი ავიცილე თავიდან.

ჩემს ბიოლოგიურ მშობლებს არანაირი ინფორმაცია არ დაუტოვებიათ ჩემს შესახებ, ამიტომ არც ვიცი დაბადების თარიღი. გასულ წელს ექიმებმა ჩემს ხელს რენტგენი გადაუღეს რათა დაედგინათ ჩემი ასაკი. მათ დაასკვნეს, რომ დაახლოებით 15 წლის ვიყავი.

როდესაც 11 წლის გავხდი, პირველად ვცადე საკუთარი თავი, როგორც მოდელი. დედაჩემი ესაუბრა დიზაინერს ჰონკონგიდან, რომლის ვაჟს ტუჩები გახეული ჰქონდა და მან გადაწყვიტა მისთვის მოდური ტანსაცმლის შეკერვა, რათა ხალხს შეეწყვიტა «მისი პირის ღრუს ყურება». მან თავის კოლექციას «სრულყოფილი ხარვეზები» უწოდა. მე მან მკითხა, ხომ არ ვისურვებდი მონაწილეობა მიმეღო მის შოუში, ჰონკონგში. ეს ჩემთავის საოცარი გამოცდილება იყო.

ცოტა მოგვიანებით, რამდენიმე ფოტოსესიაზე მიმიწვიეს: ერთ-ერთი მათგანი იყო ფოტოგრაფი, ბროკ ელბანკი, თავის ლონდონის სტუდიაში. მან ჩემი პორტრეტი თავის ინსტაგრამზე გამოაქვეყნა. რის შემდეგაც, სამოდელო სააგენტო „Zebedee Talent“ წარმომადგენლები დამიკავშირდნენ შემოთავაზებით, მიმეღო მონაწილეობა მათ მისიში, შეზღუდული შესაძლებლობის მქონე პირთა მოდის ინდუსტრიის პოპულარიზაციისთვის.

ბროკ ელბანკის მიერ გადაღებული ერთ-ერთი ფოტოსურათი იტალიურ ჟურნალ Vogue- ის ფურცლებზე 2019 წელს გამოჩნდა, გარეკანზე ლანა დელ რეი იყო. იმ დროს, მე ჯერ კიდევ არ ვიცოდი რამდენად პოპულარული იყო ეს ჟურნალი, დრო დამჭირდა იმის გააზრებაში, თუ რატომ იყო ყველა მისგან აღტაცებული.

ალბინიზმი ნიშნავს, რომ ამით დაავადებულების ხედვა მხოლოდ 10%-ია. პირდაპირ სინათლის წყაროს ვერ ვუყურებ, რადგან მისგან თვალები მტკივა. ზოგჯერ ფოტოსესიებზე კაშკაშა შუქს იყენებენ, მე მათ ვთხოვ, რომ თვალებს დავხუჭავდი ცოტახნით ან შუქი შეარბილონ. ხან გადაღებაზე ვთანხმდები იმ პირობით, რომ მხოლოდ სამი კადრის გადაღებას შეძლებენ, რომლის შემდენ აღფთოვანებულნი წამოიძახებენ ხოლმე „ვაუ“, რა მაგარი კადრი გამოვიდა.

ჩემი სააგენტო კლიენტებს უთანხმებს, რომ თუ ამ პირობებს ვერ დაააკმაყოფილებენ, მე ვერ შეძლებს მათთან მუშაობას. მათთვის მნიშვნელოვანია, რომ თავს კომფორტულად ვგრძნობდე.

მე სიამოვნებით ვმუშაობ როგორც მოდელი, რადგან მიყვარს ახალი ადამიანების გაცნობა, ინგლისურის პრაქტიკა და იმის ნახვა, თუ როგორ მოსწონთ სხვებს ჩემი ფოტოები. მინდა გამოვიყენო სამოდელო კარიერა, როგორც პლატფორმა, რათა ხაზი გავუსვა ალბინოზების საკითხს და მინდა თითოეულამდე მივიტანო აზრი, რომ ალბინიზმი არის გენეტიკური დაავადება და არა წყევლა. რომ არ არის სწორი ალბინოზი განსაზღვრავს ადამიანში პიროვნებას.» — აცხადებს ჩინელი ალბინოსი მოდელი.

წყარო: BBC

ფოტოები: @LUXVISUALSTORYTELLERS

Loading…

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ