სხვადასხვა

რა ქონება დაუყადაღეს სოსო გოგაშვილს?

სახელმწიფო უსაფრთხოების სამსახური სოსო გოგაშვილისთვის დაყადაღებული ქონებისა და ნივთების ჩამონათვალს ავრცელებს.
„ანტიკორუფციული სააგენტოს წარმოებაში არსებულ სისხლის სამართლის საქმეზე, რომელზეც გამოძიება უკანონო შემოსავლის ლეგალიზაციის ფაქტზე მიმდინარეობს, მოსამართლის განჩინების საფუძველზე ყადაღა დაედო იოსებ გოგაშვილის, მისი ოჯახის წევრებისა და ახლო გარემოცვის კუთვნილ უძრავ და მოძრავ ქონებებს:
კერძოდ, ქ. თბილისში, კახეთის რეგიონში, ხონის მუნიციპალიტეტში, მარტყოფსა და დაბა ბაკურიანში მდებარე, ჯამში 34 მიწის ნაკვეთს – საერთო ფართით 4 439 260 კვადრატული მეტრი, ოთხ საცხოვრებელ ბინას და ქ. სიღნაღში მდებარე სასტუმროს.
ყადაღა ასევე დაედო ზემოხსენებულ პირთა მოძრავ ქონებებს. კერძოდ, 13 ავტომანქანას, სამ სასოფლო-სამეურნეო ტექნიკას, სამ ერთეულ მოტოტექნიკას და 15 ცეცხლსასროლ იარაღს.
ხსენებული უძრავი და მოძრავი ქონებების რეალური საბაზრო ღირებულებების დადგენის მიზნით დანიშნულია სასაქონლო ექსპერტიზა“, – აღნიშნულია სუს-ის მიერ გავრცელებულ ინფორმაციაში.

Loading…

მსგავსი პოსტები

ახალგაზრდა «ლიდერთა ინიციატივის» ცენტრალური ოფისი თბილისში გაიხსნა

Joni Kvaracxelia

რა გადაწყვეტილება მიიღო გოგი წულაიამ

ქართველმა ჩოგანმა ნიკოლოზ ბასილაშვილმა რუსეთის პირველი ჩოგანი დაამარცხა

დატოვე კომენტარი