ერთიანი ნაციონალური მოძრაობის ლიდერი, ხატია დეკანოიძე გამოეხმაურა ევროპული საქართველოს ლიდერის, გიგა ბოკერიას განცხადებებს, რომელიც გაჟღერდა გადაცემა “მთავარი აქცენტებში”.
“სვეტიცხოვლის ფონზე პოლიტიკოსი აცხადებს, რომ პოლიტიკური შურისძიება დაუშვებელია – ეს კანონის უზენაესობის და დემოკრატიის ელემენტარული პრინციპია. ამაზე არავინ დავობს. ეს ვიცით. მე სხვა განმარტებას ველოდი და არა ბრტყელ სიტყვებს.
თუმცა, როცა პოლიტიკოსი, ერთის მხრივ, დამოუკიდებელ მართმსაჯულებაზე, დამოუკიდებელ პროკურატურაზე და სასამართლო სისტემის სრულ გადატვირთვაზე საუბრობს და მეორე ხელით პირდაპირ მიუთითებს დაუსჯელობაზე – ფარისევლობა და სიყალბეა.
არავის აქვს უფლება კანონს პოლიტიკური ასპექტი დაუწესოს. პოლიტიკური ძალა ვერ განსაზღვრავს ვის მისცეს თავისუფლება და ვის არა..
და კითხვა ჩვენს მეგობრებთან: გახარია უნდა წარსდგეს თუ არა დამოუკიდებელი მართმსაჯულების წინაშე?” – წერს ხატია დეკანოიძე.