ექსპერტი ნიკა ჩიტაძე, «ქართული ოცნების» მხარდაჭერილი საპრეზიდენტო კანდიდატის სალომე ზურაბიშვილის პოლიტიკურ წარსულს იხსენებს, როცა საქართველოს გაეროს გენერალურ ასამბლეაში ხმის მიცემა შეუწყდა:
«კიდევ ერთი ამბავი სალომე ზურაბიშვილის წარსული «პოლიტიკური » და «დიპლომატიური» «მოღვაწეობიდან». 2004 წელს, როდესაც სალომე ზურაბიშვილი გახლდათ საქართველოს საგარეო საქმეთა მინისტრი, მან ჩვენს ქვეყანას დიპლომატიურ ასპარეზზე მნიშვნელოვანი პრობლემა შეუქმნა, რომელიც საქართველოსთვის გაეროს გენერალური ასამბლეის ფარგლებში ხმის მიცემის უფლების შეწყვეტას უკავშირდებოდა 😈 კერძოდ, ქ-მა სალომემ განაცხადა რომ საქართველოს მიერ გაეროს წინაშე დაგროვილი დავალიანება შევარდნაძის მმართველობის დროს წარმოიშვა და ის არ იყო ვალდებული, რომ ეს საკითხი ან მთავრობის სხდომაზე ან პარლამენტის წინაშე განსახილველად დაეყენებინა 😈 შედეგად, საქართველოს გაეროს გენერალურ ასამბლეაში ხმის მიცემა შეუწყდა და ქვეყნის ეროვნული ინტერესები დაზიანდა 😈 პრობლემის მოგვარება მას შემდეგ მოხერხდა, რაც სალომე აღარ იყო საგარეო საქმეთა მინისტრი»-წერს სოციალურ ქსელში ნიკა ჩიტაძე
