პოლიტიკა

პრეზიდენტი საკოორდინაციო პლატფორმას აფუძნებს-იხილეთ განცხადება

საქართველოს პრეზიდენტი სალომე ზურაბიშვილი საკოორდინაციო ცენტრის დაფუძნებას აანონსებს.

«მე მზად ვარ ამ პლატფორმის ჩამოყალიბებაში ჩემი პასუხისმგებლობა ავიღო და ჩემს ადმინისტრაციასთან დავაარსო საკოორდინაციო ცენტრი, რომელიც ევროპულ პრიორიტეტებზე ყველა კონკრეტულ შეთავაზებას მოუყრის თავს და დიალოგით და კონსენსუსის წესით ხელს შეუწყობს ერთობლივი დოკუმენტის ჩამოაყალიბებას.

მიზანი გაგვაჩნია — ევროპული მომავალი, ამისათვის მთავარ პრიორიტეტებზე შეჯერებაა საჭირო. ამის მიღწევა შესაძლებელია ერთობლივი პლატფორმის ჩამოყალიბებით. ეს არის ის, რასაც გთავაზობთ, შევქმნათ, მომავლის ქარტია -„ერთობის პლატფორმა ევროპისთვის.
ამ მიზნით მომავალ დღეებში ვაპირებ მოვიწვიო პოლიტიკური სპექტრის წარმომადგენლები და სამოქალაქო საზოგადოების დაინტერესებული პირები. ეს მიდგომა ინკლუზიური უნდა იყოს და მზად ვარ შევხდე და მოვუსმინო ყველას.
სხვა გამარჯვების ფორმულა არ არსებობს, რამეთუ წარსულიდან წამოსული დაქსაქსულობა და დაპირისპირება, მხოლოდ სკეპტიციზმს და უიმედობას გააღვივებს, რაც პირველ რიგში, ქვეყანას ასუსტებს.
გამარჯვების ფორმულაში არ იგულისხმება რომელიმე მხარის, თუ პარტიის გამარჯვება, არამედ ერთობის, ევროპულობის და ქვეყნის გამარჯვება. ისე, როგორც 15 დეკემბერს გაიმარჯვა მთლიანად საქართველომ, ასევე ახლაც საქართველო უნდა გამოვიდეს გამარჯვებული: რეფორმების გატარებითა და სამართლიანი არჩევნების ჩატარებით. ეს სტაბილურობის, მშვიდობისა და წინსვლის ერთადერთი გარანტიაა», — განაცხადა სალომე  ზურაბიშვილმა.

მსგავსი პოსტები

«ტირანიას, კორუფციას, ნეპოტიზმსა და სახელმწიფოს მხრიდან ზეწოლას, წინ აღვუდგეთ ყოველთვის»-ფადი ასლის ღია წერილი

«სახელმწიფო ბრალდებას ახმოვანებთ და მათ აზრს იზიარებთ, თუ ნიკას გვერდით დგახართ?»-გიორგი ბარამიძე «ევროპულ საქართველოს» მიმართავს

«არ იქნება „რუსთავი 2“, არ ერქმევა, ერქმევა „რუსთავი 3“, სულ რაღაც, ალბათ, თვე დასჭირდება იმას»-თაკო ჩარკვიანი

დატოვე კომენტარი