პორტუგალიაში კოვიდშეზღუდვები ხელახლა ამოქმედდა. მათ შორის, გამკაცრდება კონტროლი საზღვრებზე.
„მიუხედავად ვაქცინაციის პროცესში მიღწეული წარმატებისა, ჩვენ ვიცით, რომ მაღალი საფრთხის ფაზაში შევდივართ, რადგან პანდემია დანარჩენ ევროპაში გამწვავდა და პორტუგალია არ გახლავთ კუნძული“, – განაცხადა პორტუგალიის პრემიერ-მინისტრმა, ანტონიუ კოშტამ. ახალი წესების მიხედვით, ყველა მოგზაურს, რომელიც პორტუგალიაში მიემგზავრება, თვითმფრინავში ჩაჯდომამდე ნეგატიური კოვიდტესტის წარდგენა მოუწევს. ვაქცინაციის დამადასტურებელი სერტიფიკატების წარდგენა სავალდებულო იქნება სასტუმროებში, რესტორნებში, სავარჯიშო დარბაზებსა და კულტურულ სივრცეებში შესასვლელად. პირბადეები კვლავ სავალდებულო გახდება დახურულ სივრცეებში.
Loading…
