ცნობილი გახდა უკრაინის საპრეზიდენტო არჩევნების ეკზიტპოლების საბოლოო მონაცემები.
ხარკოვის სოციოლოგიური გამოკვლევების სააგენტოს „New Image Marketing Group“ თანახმად ვლადიმერ ზელენსკიმ ხმათა 71.8% მიიღო, ხოლო მისმა კონკურენტმა, მოქმედმა პრეზიდენტმა, პეტრო პოროშენკომ 28.2%.
ხმათა უმეტესი ნაწილი შოუმენმა ქვეყნის აღმოსავლეთ ნაწილში მიიღო, ხოლო ყველაზე ცოტა დასავლეთში.
ეკზიტპოლების თანახმად ქვეყნის სამხრეთ ნაწილში ზელენსკის ამომრჩეველთა 73.4% მისცა ხმა, როცა მის კონკურენტს მხოლოდ 26.6%. ცენტრალურ ნაწილში კი ხმები შემდეგნაირად გადანაწილდა: ზელენსკი — 72.9%, პოროშენკო 27.1%.
უკრაინის ცესკოს განცხადების თანახმად 2019 წლის საპრეზიდენტო არჩევნების მეორე ტურში უფრო მეტმა ამომრჩეველმა დააფიქსირა თავისი პოზიცია ვიდრე პირველში.
Loading…
