პატიმრობაში მყოფი საკრებულოს ყოფილი დეპუტატი საქმის პროკურორს შანტაჟსა და ზეწოლაში ადანაშაულებს. ზურა მეფარიძის უფლებადამცველი ამტკიცებს რომ პროკურორი ბექა ეჟიშვილი ყოფილ დეპუტატსა და მის ოჯახის წევრებს პირადი ცხოვრების ამსახველი ვიდეოკადრების გამოქვეყნებით ემუქრება. ადვოკატი აცხადებს რომ საგამოძიებო უწყება სწორედ ამ ფორმით გეგმავს მეფარიძისგან სასურველი ჩვენების მოპოვებას და ბრალის აღიარებას. ისნის ყოფილი მაჟორიტარი ქრთამის აღებაშია ბრალდებული. სასამართლო პროცესი დღეს უნდა გაიმართოს მანამდე კი ადვოკატი დაცვის ქვეშ მყოფს საპატიმროში მოინახულებს.