საქართველოს პრეზიდენტი, სალომე ზურაბიშვილი “ევროპული საქართველოს” დეპუტატების ელენე ხოშტარიასა და მისი თანაგუნდელის მიერ საქართველოს პარლამენტში საბჭოთა კავშირის ჰიმნის ჩართვას გამოეხმაურა:
“პარლამენტში საბჭოთა კავშირის ჰიმნის გაჟღერება ქართული სახელმწიფოს შეურაცხყოფა და კანონმდებლობის დარღვევაა. საკანონმდებლო ორგანოს სხდომათა დარბაზში ჰიმნის გამოყენება მიუღებელია და სახელმწიფო ინსტიტუტის დისკრედიტაცია. მოვუწოდებ საქართველოს პარლამენტის ყველა წევრს პატივი სცეს პარლამენტის მიერვე მიღებულ კანონს – ,,თავისუფლების ქარტია“, რომლის მიზნებსაც ეწინააღმდეგება გუშინ საკანონმდებლო ორგანოში პარლამენტის თავმჯდომარის გამოსვლისას მომხდარი ფაქტი”
Loading…