ბოროვიჩის (ნოვგოროდის რაიონი) ცენტრალურ საავადმყოფოს ექიმებმა მათთან მისულ მამაკაცს «ორსულობის» დიაგნოზი დაუსვეს. ამის შესახებ პაციენტმა სამედიცინო ამონაწერის წაკითხვისას შეიტყო.
მამაკაცის ახლობლებმა გამომცემლობა «პოდიომ»-ს განუცხადეს, რომ მამაკაცი, რომელსაც ექიმებმა «ორსულობის» დიაგნოზი დაუსვეს, მათთან თაბაშირის მოხსნის მიზნით მივიდა, რომელიც მას ხელის მოტეხილობისას დაადეს.
მან ბოროვიჩის ცენტრალურ საავადმყოფოს მიმართა, რათა ხელიდან ამოეღოთ ლითონის პინი, რომელიც მოტეხილობის შემდეგ იყო ჩასმული. გარკვეული პერიოდის შემდეგ, თაბაშირის ქვეშ, აღმოაჩინეს დამწვრობა, რომელიც წარმოიშვა ექიმების დაუდევრობის გამო.
მამაკაცს თაბაშირი მოუხსნეს, თუმცა ლითონი პინი დატოვეს. დატოვების მიზეზი კი პაციენტმა სამედიცინო ამონაწერში წაიკითხა სადაც ეწერა, რომ ლითონის სტრუქტურის მოხსნა შესაძლებელია მხოლოდ «მშობიარობის შემდეგ». აქვე აღნიშნეს, რომ მამაკაცი ორსულობის 27-ე კვირაშია — წერს MK.