თბილისის სააპელაციო სასამართლოში მიმდინარე სხდომაზე, «მთავარი არხის» გენერალურმა დირექტორმა ოპოზიციას მიმართა და მათ გაერთიანებისკენ მოუწოდა.
ნიკა გვარამიას თქმით, ახლა, როგორც არასდროს, ძალიან დიდი მნიშვნელობა აქვს ერთიანობას, რადგან ეს, მისი თქმით, ერთადერთი გამოსავალია.
„ოპოზიციის კრიტიკა თვითმიზანი გახდა. სისუსტეები ოპოზიციაში ნამდვილად არის, ეს შესამჩნევია, ზედაპირზეა, მაგრამ ეს სისუსტეები ამგვარი დამოკიდებულებით კიდევ უფრო ღრმავდება. ახლა ისეთია დროა გაერთიანების, როგორც არასდროს არ ყოფილა. ახლა, ამ მომენტში, ერთიანება, შეიძლება ერთადერთი გამოსავალიც იყოს. ეს თქვენი პასუხისმგებლობაც არის, არა მარტო შესაძლებლობა. ეს არ არის მიუღწეველი ამოცანა. ოპოზიციის ჩამოშლა, მარტო ბიძინა ივანიშვილს აძლიერებს“. — ამბობს გვარამია.
თბილისის სააპელაციო სასამართლოში ნიკა გვარამიას საქმეზე ერთ-ერთი ბოლო სხდომა იმართება. დღეს დასკვნითი სიტყვით დაცვის მხარე წარდგება. მომდევნო სხდომა 24 ოქტომბერს გაიმართება.